त्रिवि उपकुलपतिको अन्तरवार्ता आइतबार

काठमाडौं । त्रिभुवन विश्वविद्यालयको उपकुलपति छनोट सिमितिले सर्टलिष्टमा परेका उम्मेद्वारहरुको अन्तर्वार्ता आइतबार लिने भएको छ। समितिको बिहीबार बसेको बैठकले अन्तर्वार्ताको मिति तय गरेको हो। ​ सर्टलिष्टमा परेकालाई एकै दिनमा अन्तर्वार्ता लिइसक्ने निर्णय गरेको हो। विज्ञ र छनोट समितिको सदस्यसँगै बसेर अन्तर्वार्ता लिन लागेको हो। उपकुलपतिका प्रतिष्पर्धीलाई बढीमा आधा घण्टासम्म अन्तर्वार्ता लिने तयारी समितिको छ।​ अन्तरवार्ताको समय २० मिनेट हुने समिति सदस्य एवं शिक्षा सचिव सुरेश अधिकारी जानकारी दिए। त्रिविको उपकुलपतिको प्रतिस्पर्धामा सहभागी ४३ जनाले दिएको आवेदन, सोच पत्र र कार्य योजना ३ जना विज्ञबाट परीक्षण गराएर पाएको औसत अंक मध्ये उत्कृष्ट १४ जनाको नाम सार्वजनिक गरिएको थियो। ​ सर्टलिष्टमा परेकासँग बुधबारसम्म प्रस्तुति लिइएको थियो। गत कात्तिक १६ मा तत्कालीन उपकुलपति प्राध्यापक धर्मकान्त बास्कोटाको कार्यकाल सकिएपछि सरकारले शिवलाल भुसाललाई निमित्त उपकुलपतिको जिम्मेवारी दिएको छ। उनी पनि उपकुलपतिको दौडमा छन्।