नेपाल बैंकको सिईओका लागि पाँच जना प्रतिस्पर्धामा, अन्तर्वार्ताको समय तोकियो

काठमाडौं । नेपाल बैंक लिमिटेडले खुला प्रतिस्पर्धाबाट प्रमुख कार्यकारी अधिकृत नियुक्तिको प्रक्रिया अन्तिम चरणमा पुर्‍याएको छ । खुला दरखास्तमध्ये पाँच जनालाई व्यावसायिक कार्ययोजना पेस तथा अन्तर्वार्ताका लागि बोलाएको छ। सञ्चालक समिति सचिवालयले सार्वजनिक गरेको सूचना अनुसार पाँचै जनालाई पुस ४ गते अन्तर्वार्ताको समय तोकेको छ। सचिवालयले सार्वजनिक गरेको नामावली अनुसार अशोक कुमार पौडेल, तिलक राज पाण्डेय, ध्रवचन्द्र गौतम, लक्ष्मण पौडेल र समता पन्त भट्टलाई व्यावसायिक कार्ययोजनासाथ उपस्थित हुन सूचित गरिएको छ। प्रमुख कार्यकारी अधिकृत (सिइओ) खुला प्रतिस्पर्धाबाट नियुक्त गर्नेगरी बैंकले असोज २१ गते दरखास्त आह्वान गरेको थियो।