श्रीमानसंगै सुतेकी महिला मृत अवस्थामा फेला

काठमाडौं । नुवाकोटको ककनीमा एक महिला सुतेकै अवस्थामा मृत फेला परेकी छन् ।ककनी गाउँपालिका–१ ठूलोखोलामा सुतेकै अवस्थामा पाँचथर घर भएकी ४६ वर्षीया मन कुमारी सारुमगर मृत फेला परेकी हुन् । उनी ठूलोखोलामा निर्माणाधीन कोल्डस्टोर भवनमा श्रीमान् सन्तोषसँगै मजदुरको रुपमा कार्यरत थिइन् । उनीहरु आइतबार राति सोही भवनमा सुतेका थिए । राति श्रीमानले बोलाउँदा नबोलेपछि उठेर हेर्दा उनी मृत अवस्थामा देखिएको जानकारी सन्तोषले प्रहरीलाई गराएका छन् ।