भ्रष्टाचार मुद्दामा प्रतिपक्षसँग कुनै लेनदेन भएको छैन : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल प्रचण्डले भ्रष्टाचार मुद्दामा प्रतिपक्षी दलसँग कुनै लेनदेन नभएको बताएका छन् । सत्ता र प्रतिपक्षबीच भ्रष्टाचारका मुद्दामा वाइयात र कपोकल्पित कुरा बाहिर प्रचार भए पनि कुनै लेनदेन नभएको उनले बताए । सोमवार प्रतिनिधि सभा बैठकलाई सम्बोधन गर्दै प्रचण्डले भ्रष्टाचार सम्बन्धमा अनुसन्धान गर्ने निकायलाई स्वतन्त्रतापूर्वक काम गर्न दिनेबाहेक केही कुरा नभएको बताएका हुन् । ‘सत्ता र प्रतिपक्षका नेताहरूको भेटमा भ्रष्टाचार मुद्दामा कुनै लेनदेन भएको भन्ने कुरा वाइयात कपोकल्पिक कुरा नभएका होइनन् । त्यहाँ भ्रष्टाचारबारे एउटा वाक्य भएको छ– दोषी नछुटुन, निर्दोष नपरुन्’ प्रचण्डले भने, ‘अनुसन्धान गर्ने निकायलाई स्वतन्त्रपूर्वक काम गर्न दिने बाहेक कुरा भएको छैन ।’