धनगढी उडेको श्री एयरलाइन्सको जहाज काठमाडौं फर्कियो

काठमाडौं । धनगढीका लागि उडेको श्री एयरलाइन्सको जहाज काठमाडौं मै फर्किएको छ । आइतबार बिहान त्रिभुवन अन्तर्राष्ट्रिय विमानस्थलबाट धनगढीका लागि उडेको श्रीको जहाजमा समस्या आएपछि काठमाडौं फर्काइएको हो । आइतबार बिहान ७ः५० बजे जहाज उडेको र प्रेसराइजेसनको समस्या देखिएपछि काठमाडौं मै फिर्ता भएको विमानस्थलका प्रवक्ता टेकनाथ सिटौलाले जानकारी दिए । ८ : २० मिनेटमा काठमाडौं विमानस्थलमा अवतरण गरेको सो जहाजमा ७९ जना यात्रु थिए। उनीहरूलाई अर्कै जहाजमा राखेर धनगढी पठाउने तयारी भइरहेको छ।