माओवादी केन्द्रले गर्‍यो बुर्तिबाङमा राजनैतिक तथा वैचारिक प्रशिक्षण

विनोद विश्वकर्मा, बुर्तिबाङ ।  नेपाल कम्युनिष्ट पार्टी (माओवादी केन्द्र) बागलुङ क्षेत्र नम्बर २ 'ख' ले राजनैतिक तथा वैचारिक प्रशिक्षण गरेको छ । सोमबार “टिप्पणी, सुझाव र संगठनका लागि नेता कार्यकर्ता र जनतासँग भेट गरौँ, विचार र नेतृत्वको आधारमा संगठित तागत निमार्ण र संमृद्धिमा जोड दिउँ ” भन्ने नाराका साथ माओवादी केन्द्रले बुर्तिबाङमा प्रशिक्षण गरेको हो । माओवादीलाई जनतामाझ लोकप्रिय र संगठन मजवुद बनाउने भन्दै निसीखोला गाउँपालिका, तमानखोला गाउँपालिका र ढोरपाटन नगरपालिकाका नेता कार्यकर्तालाई प्रशिक्षण दिइएको छ । प्रशिक्षणमा नेकपा माओवादी केन्द्रका केन्द्रीय सदस्य कृष्ण केसीले माओवादी अन्य पार्टी जस्तो भएकोप्रति चिन्ता व्यक्त गरेका छन् । पार्टीले आधारभूत वर्ग र समुदायलाई विर्सिएका कारण अन्य पार्टी जस्तै भएको भन्दै चिन्ता व्यक्त गरेका हुन् । उनले पार्टीलाई थप सुढृद्दीकरण गर्न आवश्यक भएको बताउँदै यसको सुरूवात बागलुङका ३ वटा पालिकाबाट गर्नुपर्ने प्रस्ताव राखे । कार्यक्रममा नेकपा माओवादी केन्द्रका केन्द्रीय सदस्य निलबहादुर पुन, नेकपा माओवादी केन्द्र जिल्ला समन्वय समिति बागलुङका सचिव चन्द्रबहादुर थापाले शुभकामना मन्तव्य राखेका थिए । कार्यक्रममा नेकपा माओवादी केन्द्र निसीखोला अध्यक्ष कुविर विश्वकर्मा, तमानखोला अध्यक्ष प्रेम रोका, ढोरपाटन नगर अध्यक्ष भिम गौतम पार्टीको अवस्थाका बारेमा रिर्पोटिङ प्रस्तुत गरेका थिए । प्रशिक्षण गण्डकी प्रदेश सदस्य प्रेम घर्तीको अध्यक्षता, जिल्ला समन्वय समिति बागलुङका सदस्य हेमेन्द्र घर्तीको स्वागत र जिल्ला सदस्य नारायण सुनारको सञ्चालनमा सम्पन्न भएको हो ।