सांसद ढाकाकुमारसंग सम्बन्धित थप दुई अडिओ सार्वजनिक

काठमाडौं । राष्ट्रिय स्वतन्त्र पार्टी ९रास्वपा० का सांसद डा। ढाकाकुमार श्रेष्ठले मेडिकल व्यवसायी दुर्गा प्रसाईंसँग दुई करोड रुपैयाँ घुस मागेको अडियो सार्वजनिक भएको दोस्रो दिन नै थप दुई अडिओ सार्वजनिक भएको छ । सार्वजनिक भएको दोस्रो अडिओमा आफूलाई ढाकाकुमार श्रेष्ठको भाइ बताउने व्यक्ति र दुर्गा प्रसाईंबीचको फोन संवाद छ । उक्त अडियोमा ती व्यक्तिले ढाकाकुमारले भेट्न चाहेको भन्दै प्रसाईंसँग समय मागेका छन् । त्यस्तै अर्को अडियोमा दुर्गा प्रसाईंका सहयोगी यदु गौतम तथा सांसद ढाकाकुमारबीच पनि सम्वाद भएको सुनिन्छि । ढाकाकुमार श्रेष्ठ भनिएका व्यक्तिले यो अडियोमा भनेका छन्– ‘दुर्गा प्रसाईंजीले त्यो अडियोको बारेमा केही बोलिदिनु भयो भने केही पोजिटिभ मेसेज जान्थ्यो अनि सजिलो हुन्थ्यो भन्ने कुरा मेरो हो । तपाईंले केही प्रयास गर्नुहुन्थ्यो भन्ने के सर । यो कुरा बढाएर के फाइदा उहाँलाई ।’ आइतबार सार्वजनिक अडिओमा ढाकाकुमार श्रेष्ठ भनिएका व्यक्तिले आफू स्वास्थ्यमन्त्री बन्नका लागि पार्टीको कोर टिमलाई दुई करोड रुपैयाँ बुझाउनु पर्ने भन्दै प्रसाईंसँग पैसा मागेको कुराकानी छ ।