बालेन शाह र हर्क साम्पाङबीच भेटवार्ता

काठमाडौं । काठमाडौं महानगरपालिकाका मेयर बालेन शाह र धरान उपमहानगरका मेयर हर्क साम्पाङबीच भेटवार्ता भएको छ । धरानमा देखिएको खानेपानी समस्याको दीर्घकालीन समाधानको खोजी गर्दै काठमाडौं आएको मेयर साम्पाङ र उपमेयर आइन्द्रविक्रम बेघासहितको टोलीले मंगलबार मेयर बालेनलाई उनकै कार्यकक्षमा पुगेर भेटेका हुन् । केहीसमयअघि उनीहरुबीच सामाजिक सञ्जालमा घोचपेच पनि भएको थियो । तर, अहिले भने सम्बन्धमा सुधार आएको बुझ्न सकिन्छ ।