काठमाडौं । एसियाली खेलकुदअन्तर्गत पुरुष क्रिकेटमा नेपाल र घरेलु टोली जापानविरुद्वको खेल वर्षाका कारण बिनानतिजा सकिएको छ ।कोरोगी एथलेटिक पार्कमा शनिबारका लागि तय खेलको दोस्रो इनिङमा हुन सकेन ।
खेल रद्द भएसँगै दुवै टोलीले एकरएक अंक बाँडेका छन् । त्यसअघि, टस हारेर ब्याटिङको निम्तो पाएको नेपालले निर्धारित १५ ओभरमा चार विकेट गुमाएर १४९ रनको योगफल तयार पारेको थियो । वर्षाका कारण टसमा ढिला भएपछि खेललाई १५ ओभरमा झारिएको थियो ।
नेपालका सन्दिप जोराले अविजित ५७ रनको योगदान गरे । उनले ३२ बलमा पाँच चौका र तीन छक्का प्रहार गरे । लोकेश बमले अविजित ५२ रन बनाए । उनले २२ बलमा ६ छक्का र एक चौका प्रहार गरे । आसिफ शेखले २१ रन बनाए । जापानका रेनो साकुरानो थोमस, इब्राहिम ताकाहासी, जेक कुसुडो र डेक्लान सुजुकीले एकरएक विकेट लिए ।
यो नतिजासँगै दुई खेलमा तीन अंक जोडेको नेपाल समूह ‘ए’को विजेताका रूपमा क्वार्टरफाइनल प्रवेश गरेको छ । जापान भने एक अंकका साथ पुछारमा रहँदै बाहिरिएको छ । यो समूहबाट दुई अंक जोडेको अफगानिस्तान उपविजेताका रूपमा अगाडि बढ्यो ।
नेपालले पहिलो खेलमा अफगानिस्तानलाई हराएको थियो । जापानले अफगानिस्तानसँग हार व्यहोरेको थियो । अब नेपालले क्वार्टफाइनलमा श्रीलंकाको सामना गर्नेछ ।
