काठमाडौं । बाढीका कारण प्रभावित माथिल्लो त्रिशूली-१ (२१६ मेवा) को अडिट ४ टनेलबाट एक जना चिनियाँ नागरिकको उद्धार गरिएको छ।
नेपाली सेना र दक्षिण कोरियाको डिजास्टर विज्ञ टोलीले केहीबेर अघि मात्रै उक्त टनेलबाट उनलाई उद्धार गरिएको प्रधानमन्त्रीको कार्यालयले जानकारी दिएको छ।
उनलाई उद्धार गरेर नुवाकोटको त्रिशूलीस्थित मैथिल ब्यारेकमा ल्याइँदै छ। उनलाई बाढी गएको ११औँ दिनमा उद्धार गरिएको हो।
प्रधानमन्त्रीको कार्यालयले यो खबर बनाउँदासम्म ती चिनियाँ नागरिकको नाम खुलाएको छैन।
