ललितपुरका ग्यास भण्डारणमा विभागको छापा, ६ हजारभन्दा बढी भरिएका सिलिन्डर बरामद

काठमाडौं । ललितपुरको ​हरिसिद्धिस्थित श्रीराम ग्यास भण्डारणमा ६ हजारभन्दा बढी ग्यास सिलिन्डर भेटिएका छन् । वाणिज्य विभागले सोमबार अनुगमन गर्दा श्रीराम ग्यास भण्डारणमा ६ हजार ३७७ वटा भरि ग्यास सिलिन्डर बरामद गरेको हो । बजारमा कृत्रिम अभाव सृजना गरेको र अनावश्यक भण्डारण गरेको भन्दै विभागले बिक्रेतालाई ३ लाख रुपैयाँ जरिवाना गरेको छ । बरामद गरिएका उक्त सिलिन्डरहरू नेपाल आयल निगमको रोहबरमा बिक्री वितरणको प्रबन्ध मिलाउन विभागले निर्देशन दिएको छ ।