बागलुङ–२ मा कांग्रेसका उम्मेदवार पौडेललाई प्रलोपाको समर्थन

काठमाडौं । बागलुङ क्षेत्र नं २ मा नेपाली कांग्रेसका उम्मेदवार टेकराज पौडेललाई प्रगतिशील लोकतान्त्रिक पार्टी (प्रलोपा)ले सघाउने भएको छ । बुधबार ढोरपाटन नगरपालिका–१ बुर्तिबाङमा आयोजित कार्यक्रममा प्रलोपाका उम्मेदवार पदमबहादुर कुँवरले कांग्रेसका उम्मेदवार टेकराज पौडेललाई समर्थन गरेको बताए। कांग्रेसका उम्मेदवार पौडेलको घोषणापत्र सार्वजनिक कार्यक्रममा कुँवरले पौडेललाई सघाउने घोषणा गरेका हुन् । माओवादी केन्द्र नेकपा भएपछि कुँवर प्रलोपातर्फ लागेका थिए । आफू उम्मेदवार बन्दा राम्रो उम्मेदवारको मत काटिएर पराजित हुनुपर्ने अवस्था आउनसक्ने भन्दै पौडेललाई सघाउने निर्णय गरेको कुँवरको भनाइ छ । उनको समर्थनसँगै प्रलोपाका नेता कार्यकर्ता भने अन्योलमा देखिएका छन् ।