नेपाल पुनर्बिमा कम्पनीका अध्यक्ष पौडेलसहित ८ जना विरुद्ध भ्रष्टाचार मुद्दा

आयोगले पौडेलविरुद्ध १२ करोड ४७ लाख २२ हजार २४२ रुपैयाँ ११ पैसा बिगो मागदाबी गरी बिगोबमोजिम जरिवाना, कैद सजाय मागदाबी गर्दै आइतबार विशेष अदालतमा मुद्दा दायर गरेको हो ।

नेपाल पुनर्बिमा कम्पनीका अध्यक्ष पौडेलसहित ८ जना विरुद्ध भ्रष्टाचार मुद्दा
काठमाडौं । नेपाल पुनर्बिमा कम्पनीका अध्यक्ष सुरेन्द्रकुमार पौडेलसहित ८ जना विरुद्ध भ्रष्टाचार मुद्दा दायर भएको छ । उदयपुर सिमेन्ट कम्पनीको महाप्रबन्धक हुँदा भ्रष्टाचार गरेको अभियोगमा पौडेलसहित ८ जनाविरुद्ध अख्तियार दुरुपयोग अनुसन्धान आयोगले मुद्दा दायर गरेको हो । आयोगले पौडेलविरुद्ध १२ करोड ४७ लाख २२ हजार २४२ रुपैयाँ ११ पैसा बिगो मागदाबी गरी बिगोबमोजिम जरिवाना, कैद सजाय मागदाबी गर्दै आइतबार विशेष अदालतमा मुद्दा दायर गरेको हो । आयोगका अनुसार सोही अभियोगमा सिमेन्ट कम्पनीका तत्कालीन निमित्त महाप्रबन्धक नवलकिशोर साह, तत्कालीन नायब महाप्रबन्धक महेशप्रसाद काफ्ले, उत्पादन महाशाखा प्रमुख सञ्जयकुमार लाल, भण्डार महाशाखा प्रमुख महेशप्रसाद काफ्ले, उत्पादन विभाग प्रमुख रविचन्द्र पौडेल, सिमेन्ट उत्पादन महाशाखाका हरिप्रसाद अधिकारी र बिक्री विभाग प्रमुख रामबहादुर बीसीविरुद्ध मुद्दा दायर भएको छ । २० भदौ २०८२ मा पौडेललाई तत्कालीन अर्थमन्त्री विष्णु पौडेलले पुनर्बिमा कम्पनीको अध्यक्षमा ४ वर्षका लागि नियुक्ति गरेका थिए । नीहरूले सार्वजनिक पदको दुरुपयोग गरी क्लिंकरको मासिक तथा वार्षिक मौज्दात अभिलेखमा हेरफेर गरेको, भौतिक परीक्षण र लेखापरीक्षण प्रतिवेदनलाई बेवास्ता गरेको अख्तियारको ठहर छ । प्रतिवादीहरुले सरकारी सम्पत्ति हिनामिना गरी सरकारलाई हानि पुर्‍याएको दाबीसहित अख्तियारले बिगोबमोजिम जरिवाना, कैद सजाय मागदाबी लिएको छ ।