अतिक्रमित संरचनामा धरान उपमहानगरले चलायो डोजर, स्थानीय र प्रहरीबीच झडप

धरान । सार्वजनिक जमिन अतिक्रमण गरेर बनाइएको घरमाथि धरान उपमहानगरले डोजर चलाएको छ । आइतबार अतिक्रमण गरि बनाइएका संरचनामाथि उपमहानगरपालिकाले डोजर चलाउँदा स्थानीयबासी र सुरक्षाकर्मीबीच झडप भएको छ । यद्यपि ठूलो संख्यामा परिचालित नेपाल प्रहरी, सशस्त्र प्रहरी र नगर प्रहरीले स्थिति नियन्त्रणमा लिएका थिए । धरान उपमहानगरको वडा नम्बर ५ मा रहेको अँधेरी खोला किनारको जग्गा अतिक्रमण गरेर स्थानीय मुना चौधरी लिम्बूले घर बनाएकी थिइन् । सोही घर उपमहानगरले भत्काएको हो। उपमहानगरले घर भत्काउनु अघि २ पटक घर नबनाउनन सूचना दिएको र बनेको संरचना भत्काउन भनेको उपमहानगरले कार्यालयले जनाएको छ । तर, राजनीतिक आडमा जमिन मिचेको भन्दै घर भत्काइएको कार्यालयको भनाइ छ। उनीहरुले मुना चौधरी लिम्बूले लामो समयदेखि भोगचलन गरिरहेको जमिनमा घर बनाएको भन्दै भत्काउन नहुने अडान लिएका थिए।