प्रधानमन्त्री प्रचण्डले मागे शेरबहादुर देउवासँग विश्वासको मत

काठमाडौं । प्रधानमन्त्री पुष्पकमल दाहाल प्रचण्डले नेपाली कांग्रेसका सभापति शेरबहादुर देउवासँग विश्वासको मत मागेका छन् । आज देउवा निवासमा भएको भेटमा प्रधानमन्त्री प्रचण्डले कांग्रेस सभापति देउवासँग विश्वासको मत मागेका हुन् । जवाफमा देउवाले आफू सकारात्मक भएको र यसबारे पार्टीमा छलफल गर्ने भनेर प्रचण्डलाई भनेका छन्। कांग्रेस नेताका अनुसार मंगलबार बिहान कांग्रेस पदाधिकारी बैठक र संसदीय दल बैठक बस्ने र त्यहीँ प्रचण्ड सरकारलाई विश्वासको मत दिनेरनदिने निर्णय हुने छ। मंगलबार प्रतिनिधि सभा सदस्यको बैठकमा प्रधानमन्त्री प्रचण्डले विश्वासको मत लिँदै छन्। विश्वासको मत लिनुअघि प्रधानमन्त्री प्रचण्ड देउवालाई भेट्न गएका हुन्।