अवैध रुपमा भित्रिने चिनीमा सरकारले कडाई गरेपछि चिनीको मूल्य बढ्यो

काठमाडौं । अवैध रुपमा भारतबाट भित्रिने चिनीमा सरकारले कडाइ थालेसँगै बजारमा चिनीको मूल्य बढेको छ । नेपाल खुद्रा व्यापार संघकाअनुसार एक साताको बीचमा नेपाली चिनी उद्योगीले चिनीको मूल्य किलोमै ६ रुपैयाँले बढाएका छन् । होलसेलमा ८० रुपैयाँ किलोमा पाइने नेपाली चिनीको मूल्य आइतबारदेखि ८६ रुपैयाँ पुर्‍याइएको छ । चिनी तस्करी बढेको भन्दै सरकारले भन्सारमा कडाइ गरिरहेकाले भारतीय चिनी आउन बन्द हुने बितिक्कै बजारमा अभाव देखाएर नेपाली उद्योगले मूल्य बढाएका छन् । चिनीको मूल्य बढेको टोखा चेम्बर अफ कमर्शले पनि जनाएको छ । कमर्शका अध्यक्ष सञ्जय फुँयालकाअनुसार होलसेलमै नेपाली चिनीको मूल्य ८७ रुपैयाँ पुर्‍याएको छ ।