काठमाडौं । चुनावअघिको गठबन्धनका शीर्ष नेताहरूको बैठक बालुवाटारमा सुरु भएको छ । राष्ट्रपति निर्वाचनमा सहमति जुटाउनेबारे छलफल गर्न शीर्ष नेताहरू बैठक बसेका हुन् ।
बैठकमा प्रधानमन्त्री तथा माओवादी अध्यक्ष पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधवकुमार नेपाल र जसपाका अध्यक्ष उपेन्द्र यादव सहभागी छन् ।
यस्तै कांग्रेस नेता गगन थापा र माओवादी केन्द्रका नेता नारायणकाजी श्रेष्ठ पनि बैठकमा सहभागी छन् ।
सहमति जुटे पुरानै गठबन्धन ब्युँताउने कसरत छ । प्रधानमन्त्री दाहालले एमाले अध्यक्ष केपी शर्मा ओलीसँग पनि आज निर्णायक वार्ता गर्दैछन् ।
