काठमाडौं । हिमालयन बैंकले प्राप्ति गरी शुक्रबारबाट एकीकृत कारोबार शुरु हुन लाग्दा सिभिल बैंकका सीईओ सुनिल पोखरेलसहित उच्च तहका ८ जना कर्मचारी बाहिरिएका छन् ।
सीईओ पोखरेलसहित सुमन आचार्य, सागर पौडेल, अविजित श्रेष्ठ, किरणप्रकाश पाण्डे, रोशन ढकाल, किरण खड्का र गोवर्द्धन अधिकारी बैंकबाट बाहिरिएका हुन् ।
सिभिलका उच्च तहका कर्मचारीहरु स्वेच्छिक अवकाश सुविधा (भीआरएस) लिएर बाहिरिएका हुन् । सीईओसहितका कर्मचारीहरुले २ वर्षको तलब र सेवा सुविधा र उनीहरुले प्रयोग गरिरहेको सवारी साधन पनि पाउने छन् ।
बैंकले एक समारोहकाबीच ती कर्मचारीहरुलाई बिदाइ गरेको जनाएको छ ।
दुई बैंकबीच सम्पन्न समझदारी अनुसार प्राप्ति पछि बैंकको सीईओमा हिमालयनका सीईओ अशोक राणा र डेपुटी सीईओमा सिभिलका पोखरेल रहने सहमति भएको थियो ।
