काठमाडौं । विमान दुर्घटनामा भारतको महाराष्ट्रका उपमुख्यमन्त्री अजित पवारको निधन भएको छ ।नागरिक उड्डयन महानिर्देशनालयले पवारको निधन भएको पुष्टि गरेको समाचार एजेन्सी पीटीआईले जनाएको छ । उनी सवार विमान बुधबार बिहान बारामतीमा दुर्घटनाग्रस्त भएको थियो ।
बारामती विमानस्थलमा अवतरण गर्ने क्रममा दुर्घटना भएको भारतीय सञ्चार माध्यमहरूले जनाएका छन् ।
उनी मुम्बईबाट निजी चार्टर्ड विमानमा यात्रा गरेका थिए । अवतरणको क्रममा विमान धावनमार्गबाट चिप्लिएको थियो । विमानमा अजित पवारसँगै रहेका उनका निजी सहायक, सुरक्षाकर्मी र उडान कर्मचारी गरेर ६ जनाको मृत्यु भएको दैनिक भास्करले जनाएको छ । पवार महाराष्ट्र पञ्चायत चुनावको लागि बारामतीमा चारवटा बैठकमा भाग लिन जाँदै थिए।
