काठमाडौं । नेकपा एमालेको जारी ११औँ महाधिवेशनमा केही समयपछि मतगणना सुरु हुँदै छ । मतदान सकिएपछि विद्युतीय भोटिङ मेसिनबाट चिप्स संकलन गर्ने काम भइसकेको छ ।
अब निर्वाचन समितिको बैठक बसेर मतगणना सुरु हुनेछ । “चिप्स संकलन गर्ने काम भइसकेको छ । अब निर्वाचन समितिको बैठक बसेर मतगणना सुरु हुन्छ,” एमाले निर्वाचन आयोगको सचिव डा. कुन्साङ लामाले भने ।
महाधिवेशनमा दुई हजार २६३ प्रतिनिधि भोटर रहेकामा दुई २२७ मत खसेको छ । ३६ प्रतिनिधिले भने मतदान गरेनन् । भोटिङमा समय लागे पनि इलेक्ट्रिक मतदान भएकाले मतगणनामा भने धेरै समय नलाग्ने एमाले निर्वाचन आयोगले जनाएको छ । अध्यक्षमा केपी शर्मा ओली र ईश्वर पोखरेलको प्रतिस्पर्धा रहेको छ । महासचिवमा शंकर पोखरेल र सुरेन्द्र पाण्डेबीच प्रतिस्पर्धा छ ।
