काठमाडौं । प्रेस सेन्टर नेपाल कालीकोटका अध्यक्ष तथा रेडियो तिला आवाजका स्टेसन म्यानेजर वीरेन्द्र आचार्यको स्कुटर दुर्घटनामा परी मृत्यु भएको छ ।
सुर्खेतको वीरेन्द्रनगर नगरपालिका वडा नम्बर २ को कार्यालयअगाडि आचार्य सवार स्कुटरलाई मोटरसाइकलले ठक्कर दिँदा गम्भीर घाइतेको भएका थिए । मूलपानीबाट भुरेलीतर्फ जाँदै गर्दा २३ वर्षीय यामबहादुर शाहीले चलाएको कर्णाली प्रदेश ०२००३ प १७४४ नम्बरको मोटरसाइकल र ३४ वर्षीय आचार्य सवार लुम्बिनी प्रदेश ३६ प ३८८६ नम्बरको स्कुटर ठोकिएका थिए ।
गम्भीर घाइते शुभकालिका गाउँपालिका– १, घर भई हाल वीरेन्द्रनगर– १, बस्ने आचार्यको उपचारको क्रममा गएराति मृत्यु भएको सुर्खेत प्रहरीले जनाएको छ । मोटरसाइकल चालकको अवस्था मध्यम छ ।
