काठमाडौं । नेपाली कांग्रेसको पदाधिकारी बैठक आज बस्दै छ । बैठक आज दिउँसो १ बजे ललितपुरस्थित एक होटलमा बस्ने छ ।
यही असोज २६ गतेलाई तय भएको केन्द्रीय समितिको बैठकको तयारीका लागि पदाधिकारी बैठक आह्वान भएको एक पदाधिकारीले जानकारी दिए ।
गत भदौ २३ र २४ गते भएको जेनजी आन्दोलनपछि सभापति शेरबहादुर देउवाको उपस्थितिमा भौतिक रूपमा पहिलोपटक कांग्रेस बैठक बस्न लागेको हो ।
भदौ २३ र २४ गते दुई दिने जेनजी आन्दोलनको दोस्रो दिन (भदौ २४ गते) देउवा र उनकी पत्नी आरजु राणामाथि बुढानीलकण्ठस्थित निवासमै कुटपिट भएको थियो । त्यसयता उनी सार्वजनिक भएका छैनन् ।
