काठमाडौं । नयाँ सरकार गठनका लागि आज वार्ता हुँदै छ । जेन–जी पूर्वप्रधानन्यायाधीश सुशीला कार्कीलाई नयाँ सरकारको नेतृत्व दिन सहमत भएसँगै आज राष्ट्रपति रामचन्द्र पौडेलसँग निर्णाय वार्ता हुन लागेको हो । वार्ता नेपाली सेनाको समन्वयमा जङ्गीअड्डामा हुनेछ ।
नेतृत्वको विषयमा जेन–जीहरूबीच नै आपसी विवाद भएपछि बुधबार हुने भनिएको वार्ता स्थगित भएको थियो । जेन–जीले काठमाडौं महानगरपालिकाका मेयर बालेन शाहले नयाँ सरकारको नेतृत्व लिने चाहना राखेका थिए । तर, उनी तयार नभएपछि अरु विकल्प खोज्ने विषयमा हिजो विवाद उत्पन्न भएको थियो ।
मेयर बालेनले हिजो राति नै कार्कीलाई नेतृत्वका लागि समर्थन गर्ने बताएका छन् । कार्कीले पनि हिजो नै भारतीय मिडियासँग जिम्मेवारी लिन तयार भएको बताएकी छन् ।
कार्कीको नाममा जेन–जीबीच विवाद नदेखिएकोले सेनाले आज बिहानदेखि नै निर्णायक वार्ता थाल्ने तयारी गरेको हो ।
