काठमाडौं । जेन जी आन्दोलनको दोस्रो दिन मंगलबार पनि काठमाडौँमा फेरि प्रहरीको गोली लागेर थप एक जनाको मृत्यु भएको छ।
निजामती कर्मचारी सिभिल अस्पताल पुर्याएएका घाइतेमध्ये उपचारका क्रममा १ जनाको मृत्यु भएको हो। अस्पताल प्रशासनले दिएको जानकारीअनुसार आज अस्पताल ल्याइएका ५१ घाइतेमध्ये एक जनाको मृत्यु भएको हो।
यसअघि सोमबार बानेश्वरमा प्रहरीको गोली लागेर १७ जनाको मृत्यु भएको थियो। आजसमेत काठमाडौँमा मात्रै प्रहरीको गोलीबाट मारिनेको संख्या १८ पुगेको छ। सोमबार विराटनगरमा मारिएका २ जनासमेत गर्दा भने मारिएका आन्दोलनकारीको कुल संख्या २० पुगेको छ।
