विराटनगर । झापाको बिर्तामोडमा जेनजी पुस्ताका युवा प्रधानमन्त्री केपी शर्मा ओलीको राजीनामाको माग गर्दै आज बिहानैदेखि आन्दोलित भएका छन् ।
बिहानैदेखि बिर्तामोड–५ स्थित मुक्तिचोकमा करिब ३०० जना युवा भेला भई विरोध प्रदर्शनमा उत्रिएका हुन् । प्रदर्शनकारीहरूले सडकमा टायर जलाउनुका साथै पुरानो जिल्ला ट्राफिक प्रहरी कार्यालयका सामग्री, प्रहरी पोष्ट र ट्राफिक संकेतहरू सडकमा ल्याई आगजनी गरेका छन् ।
बिर्तामोडस्थित नेकपा एमालेको पार्टी कार्यालयमा समेत तोडफोड र आगजनी भएको पुष्टि भएको छ । प्रदर्शनका कारण पूर्व–पश्चिम राजमार्ग अवरुद्ध भएको छ ।
