रुकुम पश्चिम । प्रेस चौतारी रुकुम पश्चिमका अध्यक्ष परिचन्द्र खत्रीमाथि आत्महत्या दुरुत्साहनको किटानी जाहेरी परेको छ । खत्रीमाथि शनिबार साझ जिल्ला प्रहरी कार्यालय रुकुम पूर्वमा आत्महत्या दुरुत्साहनको किटानी जाहेरी परेको हो ।
रुकुम पुर्व सिस्ने गाउँपालिका ६ खोपिचार घर भइ सिस्ने गाउँपालिकामा कार्यालय सहायक पदमा कार्यरत २५ वर्षीया कोइली शाही शनिबार बिहान कोठामा मृत फेला परेकी थिइन् । उनको परिवारले आत्महत्या दुरुत्साहनको आशंकासहित खत्रीमाथि प्रहरीमा जाहेरी दिएको हो ।
परिवारका अनुसार खत्रीले शाहीलाई फोन गरेर बारम्बार टर्चर दिँदै आएका थिए । त्यही टर्चर सहन नसकेर उनले आत्महत्या गरेको हुन सक्ने परिवारको भनाइ छ ।
जिल्ला प्रहरी कार्यालय रुकुम पुर्वका प्रहरी नायब उपरीक्षक उमा शंकर प्रसाद यादवले घटनाको अनुसन्धान भइरहेको र जाहेरी परेको व्यक्तिको खोजी कार्य चलिरहेको बताए ।
डेरामा मृत भेटिइन् गाउँपालिकाकी कर्मचारी
