बागलुङ । सामाजिक सञ्जालमा विभिन्न व्यक्ति एवम् संस्थालाई लक्षित गरी अफबाह फैलाएको आरोपमा बागलुङको निसीखोला गाउँपालिका वडा नम्बर ४ का ३६ वर्षीय ड्राइभर रेशम भनिने रेशमराज पौडेललाई प्रहरीले पक्राउ गरेको छ ।
नेपाल प्रहरीको साइबर व्यूरोले असार २ गते नेपालगञ्जको रुपैडिबाट उनलाई पक्राउ गरी काठमाडौं ल्याएको साइबर व्यूरोका प्रहरी उपरीक्षक दीपकराज अवस्थीले जानकारी दिए ।
उनका अनुसार पौडेलले युट्बलगायतका डिजिट प्लेटफर्महरुमा नियमित रूपमा व्यक्ति तथा संस्थालाई लक्षित गरी तथ्यहीन र आधारहिन विषयमा भ्रमपूर्ण तबरले अपशब्द प्रयोग गर्दै सामग्री प्रसारण गरेका थिए ।
उपरीक्षक अवस्थीका अनुसार प्रहरीले विद्युतीय कारोबार ऐन २०६३ अन्तर्गतको कसूरमा जिल्ला अदालत काठमाडौंबाट ७ दिनको म्याद थप गरी आवश्यक अनुसन्धान गरिरहेको जानकारी दिएको छ ।
