काठमाडौं । वीरगन्ज नर्सिङ क्याम्पसको स्वतन्त्र विद्यार्थी युनियन (स्ववियु) सभापतिमा अखिल नेपाल राष्ट्रिय स्वतन्त्र विद्यार्थी युनियत (अनेरास्ववियु)की आर्जु राय विजयी भएकी छिन् ।
सभापतिमा अनेरास्ववियुकी राय र सचिवमा नेपाल विद्यार्थी संघ (नेविसंघ) की मन्दिरा चिमोरिया विजयी भएको क्याम्पस प्रमुख डा कल्पना पौडेलले जानकारी दिइन् ।
सभापतिमा विजयी रायले १ सय ३ र सचिव चिमोरियाले १ सय ४ मत प्राप्त गरेका छन् । कोषाध्यक्षमा अनेरास्ववियुकै आसिका पौड्याल विजयी भएकी छिन् । उनले १ सय १५ मत प्राप्त गरिन् ।
यस्तै प्रत्यक्षतर्फ यशोदा विष्ट, सुनिता श्रेष्ठ, विशेषता शाही ठकुरी, प्रदिल घिसिङ र चाँदनी यादव विजयी भएका छन् । उनीहरू पाँचै जना अनेरास्ववियुका हुन् ।
निर्वाचनमा कूल २ सय ७२ मत खसेको थियो । तर, मतगणनाका क्रममा विवाद भएपछि मतगणना स्थगित भएको थियो ।
