बेनी । म्याग्दी बहुमुखी क्याम्पस बेनीको स्वतन्त्र विद्यार्थी युनियनको अध्यक्षमा नेपाल विद्यार्थी संघका संगम चोखाल क्षेत्री विजयी भएका छन् । चैत ५ गते सम्पन्न निर्वाचनबाट क्षेत्री २८८ मतसहित अध्यक्षमा विजयी भएका हुन् ।
अनेरास्ववियुका मञ्जुर कटुवाल क्षेत्री २८३ मतसहित सचिवमा विजयी हुँदा र अनेरास्ववियुकै अस्मिता भण्डारी २५२ मत लिएर कोषाध्यक्षमा विजयी भएका छन्। सदस्यमा अनेरास्ववियुका अविजित शाही, नेविसंघका विशाल विक, ढकबहादुर भण्डारी, सम्पूर्ण जिसी र अनुपम श्रेष्ठ प्रत्यक्ष तर्फ विजयी हुनु भएको म्याग्दी बहुमुखी क्याम्पस निर्वाचन समितिले जनाएको छ ।
समानुपातिक तर्फ भने अनेरास्ववियुले २७७, नेविसंघ २४४, अखिल क्रान्तिकारी १४२ र अखिल नेपाल विद्यार्थी युनियन समाजवादीले १० मत प्राप्त गर्दा ११ मत बदर भएको छ ।
म्याग्दी बहुमुखी क्याम्पसका प्रमुख श्रीधर सुवेदीका अनुसार प्रत्यक्ष र समातुपातिक गर्दा अध्यक्षमा नेपाल विद्यार्थी संघ, सचिव र कोषाध्यक्ष अनेरास्ववियु, सदस्यहरुमा नेविसंघ ७, अनेरास्ववियु ४ र अखिल क्रान्तिकारीबाट १ जनाले प्रतिनिधित्व गर्नेछन् ।
