काठमाडौं । बागलुङको निसीखोला गाउँपालिका-६ लामिडाँडास्थित मध्यपहाडी लोकमार्गमा ट्रिपर दुर्घटना भएको छ । शनिबार रुकुम पूर्वबाट बागलुङको बुर्तिबाङ आउँदै गरेको ग१क ६१८९ नम्बरको ट्रिपर दुर्घटना हुँदा चालकको मृत्यु भएको जिल्ला प्रहरी कार्यालय बागलुङले जनाएको छ ।
इलाका प्रहरी कार्यालय बुर्तिबाङका प्रहरी निरीक्षक आनन्द बस्नेतका अनुसार ट्रिपर दुर्घटनामा गुल्मी जिल्ला इस्मा गाउँपालिका -३ घर भएका ४८ वर्षीय कृष्ण कुमालको मृत्यु भएको छ । उनको शव बुर्तिबाङ अस्पतालमा ल्याइएको छ । घटनाका विषयमा थप अनुसन्धान भइरहेको प्रहरीले जनाएको छ ।
