काठमाडौं । भूमि ब्यवस्था सहकारी तथा गरिबी निवारण मन्त्रालयले भूमि समस्या समाधान आयोगको जिल्ला समितिमा थप ३९ जना सदस्य नियुक्त गरेको छ ।
मन्त्री बलराम अधिकारीले दोस्रो चरणमा २६ जिल्लाका समितिमा सो सदस्य नियुक्त गरेका हुन् । केन्द्रमा राष्ट्रिय भूमि समस्या समाधान आयोग र जिल्लास्तरमा एक जना अध्यक्ष, बिज्ञ र महिलासहित ३ जना सदस्य रहने ब्यवस्था अनुसार मन्त्री अधिकारीले मङ्गलवार उनीहरूलाई नियुक्त गरेको मन्त्रालयको भनाइ छ ।
मन्त्री अधिकारीले तेस्रो चरणमा अव बाँकी रहेका ९१ जना सदस्यहरू छिट्टै नियुक्त गर्ने जानकारी दिए । यसअघि मन्त्री अधिकारीले पहिलो चरणमा १०१ जना सदस्य नियुक्त गरेका थिए ।
