काठमाडौं । बारा जिल्लाको सिमरा उपमहानगरपालिका– ११ स्थित सडक छेउमा रोकिराखेको कारभित्र मृत भेटिएका प्रहरी कार्यालयका सहयोगी राजकुमार रुम्बाको टाउकोमा गोली भेटिएको छ । पोस्टमार्टमका क्रममा रुम्बाको टाउकोमा गोली भेटिएको हो ।
सिमरा विमानस्थलमा कार्यरत रुम्बा गत शनिबार बागमती प्रदेश ०१–०२८–च– ७६१६ नम्बरको कारभित्र मृत फेला परेका थिए ।
रुम्बाले राष्ट्रिय अनुसन्धानका इन्स्पेक्टर श्रीकान्त तिवारीको कार लिएर हिँडेका थिए । उनी सोही कारभित्र मृत फेला परेका हुन् ।
‘रुम्बाको गोली हानेर हत्या गरेको पुष्टि भयो, तर कसले र किन हत्या गर्यो भन्नेबारे अनुसन्धान भइरहेको छ,’ जिल्ला प्रहरी कार्यालय बाराका प्रमुख प्रहरी उपरीक्षक महेन्द्र कुमार खड्काले भने । मृतक रुम्बाको मोबाइलको कल डिटेल र लोकेशन हेरेर प्रहरीले अनुसन्धान गरिरहेको छ ।
