काठमाडौं । ओखलढुंगाको मोलुङ गाउँपालिका–५ को वडाध्यक्षमा नेकपा (एमाले)का गंगाबहादुर तामाङ निर्वाचित भएका छन् । आइतबार भएको उपनिर्वाचनमा उनी नेपाली कांग्रेसका घनश्याम दाहाललाई हराउँदै निर्वाचित भएका हुन् ।
निर्वाचित तामाङले ३९९ मत ल्याए । उनका निकटतम प्रतिद्वन्द्वी नेपाली कांग्रेसका दाहालले १७७ मत ल्याए ।
यस्तै, राष्ट्रिय स्वतन्त्र पार्टी (रास्वपा)का विष्णुप्रसाद पोखरेलले १५१ मत ल्याउँदा नेकपा (माओवादी केन्द्र)का मानबहादुर सुनुवारले २३ मत ल्याए ।