काठमाडौं । हाइलाइफ ब्राण्डमार्फत एफएमसीजी क्षेत्रमा अग्रणी पहिचान बनाउन सफल हाइलाइफ एग्रो एण्ड फुड्स इन्डष्ट्रिजले लुम्बिनी लायन्स क्रिकेट टोलीलाई प्रायोजन गरेको छ । प्रायोजनका सम्बन्धमा दुई पक्षबीच सम्झौता भएको छ ।
खेलकुदले भावनात्मक सम्बन्धको विकास गर्ने र सम्पूर्ण नेपालीलाई एकताबद्ध गराउन सफल रहेको हाइलाइफ एग्रोका हेड अफ मार्केटिङ सुशान्त घिमिरेले बताए । ‘क्रिकेटले नेपाली समुदायलाई एकजुट बनाउन सफल भएको छ,’ कम्पनीद्वारा जारी विज्ञप्तिमा भनिएको छ, ‘आगामी दिनमा नेपाली क्रिकेटले अझै बढी सफलता पाउनेमा हामी विश्वस्त छौं ।’
