बागलुङ । नेकपा (माओवादी केन्द्र ) निकट अखिल क्रान्तिकारी निसीखोला गाउँकमिटीको दोस्रो सम्मेलन सम्पन्न भएको छ । शनिबार सम्पन्न दोस्रो सम्मेलनले अनिल विकको अध्यक्षतामा २५ सदस्य नयाँ कमिटी चयन गरेको हो ।
जसको उपाध्यक्षमा निरण सापकोटा, सुजिता बुढाथोकी, सचिवमा मनिषा कुँवर, सहसचिवमा सपना भण्डारी, होमबहादुर कुँवर र कोषाध्यक्षमा सुजन पर्टेलसहित अन्य सदस्य चयन गरिएको अखिल क्रान्तिकारीका निवर्तमान केन्द्रीय सदस्य एवम् पालिका इन्चार्ज योगेन्द्र पुन मगरले जानकारी दिए ।
सम्मलेनमा नेकपा माओवादी केन्द्र गण्डकी प्रदेश उपाध्यक्ष एवम् विद्यार्थीका इन्चार्ज ज्ञामनाथ गैरेको प्रमुख आथित्यता रहेको थियो । सम्मेलनलाई सम्बोधन गर्दै गैरेले विद्यार्थी देशका कर्णधार भएको बताएका छन् । ‘देशमा ठूला-ठूला आन्दोलन भए त्यसमा विद्यार्थी आन्दोलनले खास-खास ठाउँमा महत्वपूर्ण योगदान पुर्याएको छ’, उनले भने, ‘अबको आन्दोलन समाजवादी माेडेलबाट अगाडी बढ्नुपर्छ ।’

सम्मलेनमा नेकपा माओवादी केन्द्र गण्डकी प्रदेश सचिवालय सदस्य प्रेमबहादुर घर्तीमगर, निसीखोला गाउँकमिटी अध्यक्ष कुविर विश्वकर्मा, अखिल क्रान्तिकारी जिल्ला अध्यक्ष विकास कँडेललगायतको उपस्थिति रहेको थियो ।