डाेटी । डोटीको शिखर नगरपालिका-८ खुनस्थित भीमदत्त राजमार्गमा मोटरसाइकललाई जिपले ठक्कर दिँदा युवकको मृत्यु भएको छ।
दुर्घटनामा मोटरसाइकलमा पछाडि बसेका दिपायल सिलगढी नगरपालिका(१ सिर्खोलीका ३२ वर्षीय लोकेन्द्र साउदको मृत्यु भएको हो।
जिल्ला प्रहरी कार्यालयका अनुसार शनिबार साँझ डडेल्धुराबाट दिपायलतर्फ आइरहेको मोटरसाइकललाई जिपले ठक्कर दिएको हो।
दुर्घटनामा घाइते भएका मोटरसाइकल चालक प्रकेश विकलाई सुजङ्ग अस्पतालमा सामान्य उपचारपश्चात् थप उपचारका लागि धनगढी पठाइएको छ। ठक्कर दिने जिप र चालककको खोजी भइरहेको छ।
