काठमाडौं । नेपाल प्रिमियर लिगको प्रत्यक्ष प्रसारण स्टार स्पोर्ट्सले गर्ने भएको हो । यसअघि अनौपचारिक रूपमा नेपाल क्रिकेट संघ (क्यान)ले एनपीएलको प्रत्यक्ष प्रसारणको जिम्मा स्टार स्पोर्ट्सलाई दिने तयारी गरेको भन्ने समाचारहरू प्रकाशित भएको थियो ।
शुक्रबार क्यानले औपचारिक रूपमै एनपीएलको प्रत्यक्ष प्रसारणको जिम्मा स्टार स्पोर्ट्सलाई दिइएको जानकारी दिएको हो ।
एनपीएलको पहिलो संस्करण मंसिर १५ देखि पुस ६ गतेसम्म हुने भएको छ । क्यानले आफैं आयोजना गर्न लागेको यस फ्रेन्चाइज प्रतियोगितामा ८ वटा टोली सहभागी हुनेछन् ।
