काठमाडौं । नवनियुक्त प्रधानमन्त्री, उपप्रधान र मन्त्रीहरूले पद तथा गोपनीयताको शपथ लिएका छन्। राष्ट्रपति कार्यालयमा आयोजित समारोहमा प्रधानमन्त्री केपी शर्मा ओली, उपप्रधानमन्त्रीद्वय विष्णु पौडेल र प्रकाशमान सिंह लगायत अन्य १९ मन्त्रीले शपथ लिएका हुन्।
सुरुमा राष्ट्रपति रामचन्द्र पौडेलले प्रधानमन्त्री ओलीलाई शपथ खुवाएका थिए। लगत्तै, दुई उपप्रधानमन्त्रीको शपथ ग्रहण भयो। त्यसपछि बाँकी १९ जना मन्त्रीको शपथ ग्रहण गराइएको हो। उनीहरू सबैले आजै मन्त्रालय पुगेर पदभार ग्रहण गर्नेछन्। संविधानको धारा ७६ (२) अनुसार राष्ट्रपति पौडेलले ओलीलाई आइतबार साँझ प्रधानमन्त्री नियुक्त गरेका थिए।
यस्तो छ ओली मन्त्रिपरिषद्
प्रकाशमान सिंह – उपप्रधान एवम् सहरी विकास मन्त्रालय
विष्णु पौडेल –उपप्रधान एवम् अर्थ मन्त्रालय
पृथ्वीसुब्बा गुरुङ – सञ्चार तथा सूचना प्रविधि मन्त्रालय
रमेश लेखक – गृह मन्त्रालय
शरतसिंह भण्डारी – श्रम, रोजगार तथा सामाजिक सुरक्षा मन्त्रालय
आरजु राणा – परराष्ट्र मन्त्रालय
प्रदीप पौडेल – स्वास्थ्य तथा जनसङ्ख्या मन्त्रालय
बद्री पाण्डे – संस्कृति, पर्यटन तथा नागरिक उड्डयन मन्त्रालय
रामनाथ अधिकारी – कृषि तथा पशुपक्षी मन्त्रालय
प्रदीप यादव – खानेपानी मन्त्रालय
बलराम अधिकारी – भूमि व्यवस्था, सहकारी तथा गरिबी निवारण मन्त्रालय
दामोदर भण्डारी – उद्योग, वाणिज्य तथा आपूर्ति मन्त्रालय
नवलकिशोर साह सुडी – महिला, बालबालिका तथा ज्येष्ठ नागरिक मन्त्रालय
देवेन्द्र दाहाल – भौतिक पूर्वाधार तथा यातायात मन्त्रालय
तेजुलाल चौधरी – युवा तथा खेलकुद मन्त्रालय
अजय चौरसिया – कानुन, न्याय तथा संसदीय मामिला मन्त्रालय
विद्या भट्टराई – शिक्षा, विज्ञान तथा प्रविधि मन्त्रालय
मानवीर राई – रक्षा मन्त्रालय
दीपक खड्का – ऊर्जा, सिचाइँ तथा जलस्रोत मन्त्रालय
राजकुमार गुप्ता – संघीय मामिला तथा सामान्य प्रशासन मन्त्रालय
ऐनबहादुर शाही – वन तथा वातावरण मन्त्रालय
