काठमाडौं । नेपाली कांग्रेसले प्रकाशमान सिंहको नेतृत्वमा सरकारमा जाने तयारी गरेको छ । नेकपा एमालेका अध्यक्ष केपी शर्मा ओलीको नेतृत्वमा गठन हुने नयाँ सरकारमा कांग्रेसका तर्फबाट प्रकाशमानले नेतृत्व गर्ने तयारी भएको स्रोतको भनाइ छ ।
प्रकाशमान उपप्रधानमन्त्री हुँदा रमेश लेखकलाई गृह र आरजु राणा देउवालाई परराष्ट्र मन्त्रालयमा पठाउने तयारी भएको कांग्रेस उच्च स्रोतले बताएको छ ।
मन्त्रीको नाम टुंगो लगाउन कांग्रेस कार्यसम्पादन समितिको बैठक आजै बस्दै छ । बैठक दिउँसो २ बजे पार्टी केन्द्रीय कार्यालय सानेपामा बस्नेछ ।
