बागलुङ । बागलुङ सेवा समाज दोहा कतारले मानव सेवा आश्रम बागलुङलाई आर्थिक सहयोग गरेको छ। आश्रमको निर्माणाधीन भवनका लागि समाजले नगद ५० हजार सहयोग गरेको हो ।
आइतबार आश्रममा आयोजित एक कार्यक्रममा समाजका पूर्व अध्यक्ष एवं संरक्षक चन्द्रकान्त शर्माले आश्रमका संचालक विपना तामाङलाई नगद ५० हजार हस्तान्तरण गरेका छन् ।
गण्डकी प्रदेश समन्वय परिषद् कतारले संस्थामा आवद्ध भएका जिल्ला संस्थालाई सहयोग गर्ने क्रममा बागलुङ सेवा समाज कतारलाई प्रदान गरेको रकम आश्रमलाई प्रदान गरिएको संस्थाका अध्यक्ष निराजन गौतमले जानकारी दिए ।
