काठमाडौं । बागलुङको निसीखोलामा १४ वर्षिया बालिका बलात्कार गरेको आरोपमा एक जनालाई प्रहीले पक्राउ गरेको छ ।
पक्राउ पर्नेमा निसीखोलाकै झिवाखोला बजारमा व्यापार गर्ने विजय मल्ल रहेका छन् । जिल्ला प्रहरी कार्यालय बागलुङका अनुसार मल्ललाई भैरहवाबाट पक्राउ गरिएको जानकारी जिल्ला प्रहरी कार्यालय बागलुङका सहायक सूचना अधिकारी दिपकबाबु केसीले जानकारी दिए ।
निसीखोलाकी १४ वर्षकी बालिकाको पेटमा ९ महिनाको गर्भ रहेको र त्यसलाई फाल्न आर्थिक लेनदेन भइरहेको विषय सार्वजनिक भएपछि मल्ल भागेर भारततर्फ जाँदै थिए । बलात्कृत बालिकाले छोरीलाई जन्मदिएपछि हाल पोखरामा उपचाररत छिन् । उनको र बच्चाको अवस्था सामान्य रहेको छ ।
