काठमाडौं । नेपाली कांग्रेसका नेता तथा सांसद विनोद चौधरी बाँसबारी छाला जुत्ता कारखानाको जग्गा प्रकरणमा बयान दिन आफैं केन्द्रीय अनुसन्धान ब्यूरो (सीआइबी) पुगेका छन् । बयानका लागि सांसद चौधरी आफैं बिहीबार बिहान सीआईबी कार्यालय लाजिम्पाट पुगेका हुन् । प्रहरी उच्च स्रोतका अनुसार अहिले उनको बयान चलिरहेको छ ।
सीआइबी यसअघि बुधबार बाँसबारी छाला जुत्ता कारखानाको जग्गा प्रकरणमा छानबिन गरिरहेको भन्दै सभामुख देवराज घिमिरेलाई पत्र लेखेको थियो ।
बाँसबारी छाला जुत्ता कारखाना लिमिटेडको नाममा दर्ता कायम रहेको १० रोपनी जग्गा प्रकरणबारे उद्योगपति बसन्त चौधरीसँग प्रहरीले बुधबार बयान लिएको थियो । भाईको बयानपछि दाई विनोद चौधरी आज बिहानै सीआईबी कार्यालय पुगेका छन् ।
