काठमाडौं । पश्चिम रुकुमबाट काठमाडौंका लागि छुटेको बस सोमबार साँझ बागलुङको निसीखोला गाउँपालिका–६ स्थित जाउलेपानीमा दुर्घटना हुँदा ८ जनाको मृत्यु भएको छ भने २४ जना घाइते भएका छन् ।
निसीखोला गाउँपालिकाका अध्यक्ष सुर्यबहादुर घर्तीमगरका अनुसार मृत्यु हुनेमा चार जना महिला र चार जना पुरुष रहेका छन् । २४ जना घाइते भएका छन् । जसअनुसार ९ महिला र १५ पुरुष रहेको छन् ।
घाइतेहरुको उद्धार गरी उपचारका लागि बुर्तिबाङ प्राथमिक स्वास्थ्य केन्द्रमा पठाइएको निसीखोला गाउँपालिकाका उपाध्यक्ष प्रेमबहादुर घर्तीमगरले न्यूज खरीलाई जानकारी दिए । ‘घाइतेहरुको उद्धार गरी उपचारका लागि बुर्तिबाङ पठाएका छौं,’ उनले न्यूज खरीसँग भने, ‘मृतकको मध्ये ७ जनाको शव रुकुम पश्चिम पठाइसकिएको छ ।’
रुकुम पश्चिमबाट काठमाडौँ आउँदै गरेको बागमती प्रदेश ०१–००६ ख ३८७९ नंको बस आज साँझ मध्यपहाडी लोकमार्गमा दुर्घटनामा भएको हो ।
