काठमाडौं । बागलुङ जिल्लाको निसिखोला गाउँपालिका–६ स्थित जाउलेपानीमा रात्रि बस दुर्घटना हुँदा ७ जनाको मृत्यु भएको छ । दुर्घटनामा घाइते १५ जनाको उद्दार भइसकेको छ ।
रुकुम पश्चिमबाट काठमाडौंका लागि छुटेको बागमती प्रदेश ०१–००६ ख ३८७९ नम्बरको बस मध्यपहाडी लोकमार्गबाट करिब १ सय ५० मिटर तल खसेको छ ।
निसीखोला गाउँपालिकाका अध्यक्ष सुर्यबहादुर घर्तीमगरका अनुसार ७ जनाको घटनास्थलमै मृत्यु भएको छ । ‘अहिलेसम्म ७ जनाको मृत्यु भइसकेको छ, राति भएकाले उद्दारमा समस्या आएको छ,’ उनले न्यूज खरीसँग भने, ‘मृतकको संख्या बढ्ने देखिन्छ ।’
