कृष्णबहादुर महरालाई चार दिन हिरासतमा राख्न अदालतको अनुमति

काठमाडौं । सुन तस्करी प्रकरणमा पक्राउ परेका नेकपा (माओवादी केन्द्र) का उपाध्यक्ष कृष्णबहादुर महरालाई चार दिन हिरासतमा राख्न अदालतले अनुमति दिएको छ।

नेपाल प्रहरीको केन्द्रीय अनुसन्धान ब्यूरो (सीआईबी)ले हिरासतमा राखेर अनुसन्धानका लागि अनुमति लिन सोमबार जिल्ला अदालत, काठमाडौंमा पेश गरेको थियो। अदालतले चार दिन हिरासतमा राखेर अनुसन्धान गर्न अनुमति दिएको सीआईबीका प्रहरी उपरीक्षक (एसपी) भूपेन्द्र बोगटीले बताए।

महरालाई सोमबार बिहान कपिलबस्तुबाट पक्राउ गरिएको थियो। उनी पक्राउ पर्ने सूचना पाएपछि भारततिर भाग्न लागेका थिए।

पूर्व सभामुख समेत रहेका महराले काठमाडौं छोडेको सूचना पाएपछि प्रहरीले सीमा नाकामा कडाइ गरेको थियो। उनी सोमबार बिहान भैरहवा नाका भएर भारततिर जाने तयारीमा थिए। उनलाई कपिलबस्तुबाट काठमाडौं ल्याएर सीआईबीको जिम्मा लगाइएको थियो।

सुन तस्करी प्रकरणमा सीआईबीले अनुसन्धान गरिरहेको छ। यही प्रकरणमा पक्राउ परेका महराका छोरा राहुल पुर्पक्षका लागि थुनामा छन्।

 

यो समाचार पढेर कस्तो महसुस भयो ?

प्रतिक्रिया दिनुहोस

आफ्नो ईमेल हालेर न्युज खरीको सदस्यता लिनुहोला।

ताजा अपडेट

ट्रेन्डिङ

©2022 News Khari सर्वाधिकार सुरक्षित Site By : Shikhar Host

छुटाउनै नहुने

खोज्नुहोस

सम्पादक:

बिमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com

© २०२२ Newskhari.com सर्वाधिकार सुरक्षित

कम्पनी दर्ता नं : २९४४७३/०७९/०८०

सम्पादक:

विमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com newskhari@gmail.com

© २०२२ Newskhari.com सर्वाधिकार सुरक्षित