काठमाडौं । रुकुम पश्चिमबाट काठमाडौं आउँदै गरेको बस बागलुङमा दुर्घटना भएको छ ।
सोमबार साँझ रूकुम पश्चिमबाट काठमाडाैं आउँदै गरेकाे बागमती प्रदेश ०१-००६ ख ३८७९ नम्बरकाे बस बागलुङको निसीखोला गाउँपालिका ६ जाउलेपानीस्थित बस दुर्घटना भएकाे हाे । निसीखोला गाउँपालिका अध्यक्ष सुर्यबहादुर घर्तीमगरका अनुसार दुर्घटनामा २ जनाको मृत्यु भएको छ ।
“बस दुर्घटनामा दुई जनाको घटनास्थलमै मृत्यु भएको छ,’ उनले न्यूज खरीसँग भने, ‘धेरै जसो गम्भीर घाइते हुनुहन्छ अहिले उद्दारको कार्य जारी रहेको छ ।’
दुर्घटनामा १६ जना भन्दा बढी घाइते भएका छन् ।
