दीपक मनाङेले त्यागे एकीकृत समाजवादी

काठमाडौं । गण्डकी प्रदेश सभा सदस्य राजिव गुरुङ (दीपक मनाङे)ले नेकपा (एकीकृत समाजवादी) त्यागेर स्वतन्त्र सांसदको हैसियत माग गरेका छन्।

सांसद गुरुङले आइतबार प्रदेश सभा सचिवालयमा निवेदन दिएका छन् । प्रदेश सभा सचिव हरिराज पोखरेललाई बुझाएको निवेदनमा एकीकृत समाजवादी त्यागेको उल्लेख गरेका छन्।

उनले भनेका छन्, “स्वतन्त्र रूपमा म जनताको मन जितेर निर्वाचित भएको हुँ र आजको मितिदेखि नेकपा (एकीकृत समाजवादी) दलको सांसदको मान्यता र संसदीय अभिलेख सच्चाई स्वतन्त्र सांसदको अभिलेख कायम गरिदिन माग गर्दछु।”

केन्द्रमा फेरिएको गठबन्धनले गण्डकी प्रदेशमा पनि अस्थिरता फैलिने देखिएपछि दल त्याग गरेको उनको भनाइ छ। सांसद गुरुङले निवेदनमा भनेका छन्, “विना कारण र अनायासै केन्द्रमा फेरिइरहने गठबन्धनका कारण देशमा अस्थिरता मौलाउँछ, गण्डकीमा त्यस किसिमको परिस्थिति सिर्जना हुन नदिन सधैँ प्रतिबद्ध छु।”

गण्डकी प्रदेशलाई मध्यावधितिर जानबाट रोक्न पर्ने बताएका छन्। त्यसका लागि आफूले एकीकृत समाजवादी त्यागेको जनाएका छन्।

२०७९ सालको निर्वाचनमा उनी मनाङ ‘ख’बाट स्वतन्त्र रुपमा निर्वाचित भएका थिए। पछि एकीकृत समाजवादीमा प्रवेश गरेका थिए। अहिले एकीकृत समाजवादी नेकपा (एमाले) र नेकपा (माओवादी केन्द्र) सहितको गठबन्धनमा छ।

उनले अहिलेकै कांग्रेस नेतृत्वको गण्डकी सरकारलाई समर्थन गर्ने संकेत गरेका छन्। माओवादीले समर्थन फिर्ता लिएपछि मुख्यमन्त्री सुरेन्द्रराज पाण्डेले विश्वासको मत लिनुपर्ने भएको छ। उनी विश्वासको मतका लागि राप्रपा र सांसद गुरुङको समर्थन खोजिरहेका छन्।

६० सदस्यीय गण्डकी प्रदेश सभामा बहुमतका लागि ३१ सांसद आवश्यक पर्छन्। कांग्रेसका २७, एमालेका २२, माओवादीका आठ, राप्रपाका दुई र एकीकृत समाजवादीका एक सांसद छन्।

यो समाचार पढेर कस्तो महसुस भयो ?

प्रतिक्रिया दिनुहोस

आफ्नो ईमेल हालेर न्युज खरीको सदस्यता लिनुहोला।

©2022 News Khari सर्वाधिकार सुरक्षित Site By : Shikhar Host

ताजा अपडेट

ट्रेन्डिङ

छुटाउनै नहुने

खोज्नुहोस

सम्पादक:

बिमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com

© २०२२ Newskhari.com सर्वाधिकार सुरक्षित

कम्पनी दर्ता नं : २९४४७३/०७९/०८०

सम्पादक:

विमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com newskhari@gmail.com

© २०२२ Newskhari.com सर्वाधिकार सुरक्षित