नेपाल टेलिकमका प्राविधिक अधिकृत सिटौलाविरुद्ध एक करोड ६१ लाखको भ्रष्टाचार मुद्दा

काठमाडौं । अख्तियार दुरुपयोग अनुसन्धान आयोगले नेपाल टेलिकमका प्राविधिक अधिकृत निर्मलप्रसाद सिटौलाविरुद्ध भ्रष्टाचार मुद्दा दायर गरेको छ ।

उनले गैरकानुनी व्यापार व्यवसाय गरी भ्रष्टाचार गरेको ठहर गदै अख्तियारले विशेष अदालत काठमाडौंमा आइतबार मुद्दा दायर गरेको हो । दायर गरिएको मुद्दामा सिटौलासँग एक करोड ६१ लाख २० हजार चार रुपैयाँ बिगो दाबी गरिएको छ ।

नेपाल टेलिकममा कार्यरत स्थायी कर्मचारी इन्जिनियर सिटौलाले कार्यालयमा हाजिर गर्नुका साथै छुट्टै हिमडुङ एन्ड थोकर कन्ट्रक्सन् कम्पनीमा समेत कार्य गरी व्यापार व्यवसाय गरेको उजुरी अख्तियारमा परेको थियो ।

उजुरीमा उनले सूर्यविनायक–धुलिखेल–सिन्धुली–बर्दिबास सडक आयोजनामा ठेक्का लिई प्रतिनिधिको रूपमा हस्ताक्षर समेत गरी भ्रष्टाचार गरेको उल्लेख थियो । उजुरी परेपछि अख्तियारले सिटौलामाथि अनुसन्धान सुरु गरेको थियो ।

अनुसन्धान हुँदा नेपाल टेलिकमका प्राविधिक अधिकृत सिटौलाले कानुनी प्रावधानविपरीत नेपाल टेलिकमको विनास्वीकृति निजी कम्पनी हिमडुङ एन्ड थोकर कन्ट्रक्सन् कम्पनीको सेयर खरिद गरी संस्थापक सेयरधनी बनेको पाइएको अख्तियारले जनाएको छ ।

यो समाचार पढेर कस्तो महसुस भयो ?

प्रतिक्रिया दिनुहोस

आफ्नो ईमेल हालेर न्युज खरीको सदस्यता लिनुहोला।

©2022 News Khari सर्वाधिकार सुरक्षित Site By : Shikhar Host

ताजा अपडेट

ट्रेन्डिङ

छुटाउनै नहुने

खोज्नुहोस

सम्पादक:

बिमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com

© २०२२ Newskhari.com सर्वाधिकार सुरक्षित

कम्पनी दर्ता नं : २९४४७३/०७९/०८०

सम्पादक:

विमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com newskhari@gmail.com

© २०२२ Newskhari.com सर्वाधिकार सुरक्षित