काठमाडौं । उदयपुरमा बोलेरो दुर्घटना हुँदा ७ जनाको मृत्यु भएको छ। दुर्घटनामा अन्य ६ जना घाइते भएका छन्।
धरानबाट भोजपुरको घोरेटारतर्फ जाँदै गरेको बोलेरो बिहीबार उदयपुरको बेलका नगरपालिका ७ मैनामैनीमा दुर्घटना भएको जिल्ला प्रहरी कार्यालय उपयपुरका प्रहरी निरीक्षक रोशन थापाले जानकारी दिए।
‘उनका अनुसार दुर्घटनामा परेको बोलेरोको नम्बर खुलेको छैन । घाइते यात्रुले बोलेरोमा १५ जना सवार रहेको बताएका छन्,’ उनले भने, ‘जसमध्ये ७ जनाको मृत्यु भएको खबर आएको छ।’
जिल्ला प्रहरी कार्यालय भोजपुरका प्रहरी नायव उपरिक्षक सुदिपराज पाठकले स्थानीयसँगको समन्वयमा प्रहरीले अहिले मृतक र घाइतेको उद्धार चलिरहेको जानकारी दिए।
