काठमाडौं । राष्ट्रपति रामचन्द्र पौडेलले भारतीय टेलिभिजन रियालिटी शो ‘इण्डियन आइडल’बाट चर्चा कमाएकी गायिका मेनुका पौडेललाई सम्मान गरेका छन् ।
राष्ट्रपति कार्यालयमा आयोजित एक कार्यक्रमका बीच राष्ट्रपति पौडेलले माला लगाइदिएर मेनुकालाई सम्मान गरेका हुन् ।
उनले मेनुकाको परिश्रम, मेहनत र योग्यताले सबै नेपालीको शीर उँचो बनाएको बताएका छन् ।
मेनुका ‘इण्डियन आइडल’को उत्कृष्ट १० मा छनोट हुन सफल भएकी थिइन् ।
